Llyfrau a phrintiau cain:
cynghanedd celf a chrefftCrefftwyr ac artistiaid yn defnyddio technegau traddodiadol i greu llyfrau hardd.  Mae'ch basged yn wag |
Wedi'u dethol ynghyd â rhagymadrodd gan D.SIMON EVANS.
Wedi'u darlunio gan RHIAN M.DAVIES
Cyfrifir MORGAN RHYS (1716-79) yn un o brif emynwyr Cymru, yn un y gellir yn deilwng ei enwi yng nghwmni William Williams, Pantycelyn ac Ann Griffiths. Yng Nghil-y-cwm ei febyd ac yn Llan-fynydd ei aeddfedrwydd yfodd yn drwm o frynhonnau ysbrydol y mudiad Methodistaidd, a dylanwadodd ar bobl trwy ei ddysgu yn yr ysgolion cylchynol a thrwy ei emynau. Cyhoeddwyd y rhain mewn sawl llyfryn rhwng 1755 ac 1775, ac fel yr awgryma teitl y casgliad cyntaf, Golwg o Ben Nebo ar Wlad yr Addewid, eu nodweddion pennaf yw angerdd, dwyster, a gorfoledd afieithus.
Ceir yn y gyfrol hon ddeugain o emynau Morgan Rhys, wedi'u dethol ynghyd â rhagymadrodd gan y diweddar Athro D. Simon Evans, un o brif ysgolheigion y Gymraeg yn yr ugeinfed ganrif, a brodor o blwyf Llanfynydd.
Y mae'r gyfrol wedi'i harddu â lluniau gan Rhiain M. Davies, y gwelwyd ei gwaith eisoes yng nghyfrolau Gwasg Gregynog o waith Pantycelyn ac Ann Griffiths.
Cyfyngedig i dri chant a hanner o gopiau rhifedig wedi eu cysodi mewn teip Baskerville 'Monotype' a'u hargraffu mewn dau liw ar bapur mowld Zerkall. 96 tudalen, 170 x 260 mm.
Copiau 1-250 wedi eu rhwymo mewn chwarter lliain, bandiau ar y pen a'r cwt. Cyflwynwyd mewn cas.
Copiau i-c wedi eu gwnio a llaw ac yn cynnwys bandiau sidan ar y pen a'r cwt. Fe'u rhwymwyd a llaw mewn chwarter lledr a byrddau cynfas, a'u cyflwyno mewn cas.
| Pris: | £270 (Qtr.Leather) | Ychwanegu i'ch basged | | £150 (Cloth) | Ychwanegu i'ch basged | | £75 (Unbound) | Ychwanegu i'ch basged |
.Tudalennau enghraifft: cliciwch ar ddelwedd am fersiwn fwy.
|
