Of A Feather

Avian Collective Nouns and Terms of Assembly, Group Names and Associated Terms

Avian Collective Nouns & Terms of Assembly, Group Names & Associated Terms. Ysgrifenwyd, casglwyd, ddylunwyd a darluniwyd gan COLIN SEE-PAYNTON, gyda Rhagair gan DAVID ATTENBOROUGH

Treuliodd COLIN SEE-PAYNTON ragor na phedair blynedd yn ymchwilio’n eang, yn ysgrifennu’r testun, ac yn creu chwe deg un toriad pren newydd ar gyfer y geiriadur darluniadol o enwau lluosog adar: gorchest di-ail. Mewn ysgrif werthfawrogol dywedodd David Alston, Cyfarwyddwr Celf Cyngor Celfyddydau Cymru: 'not since Thomas Bewick, who both wrote and engraved in the late eighteenth century, have both literary and pictorial aspects been found conjoined in the one talent as here in this work'. Mae’n amlwg o weld yr engrafiadau ac o’r brwdfrydedd sy’n codi o’r testun fod arsylwi ac astudio byd natur wedi bod yn ddiddordeb oes iddo. O 'Abandonment of Cuckoos' i 'Zephyr of Long-Tailed Titmice' mae’n cyfoethogi ein gwybodaeth o enwau adaryddol yn Saesneg ymhell tu hwnt i’r dywediad 'Gaggle of Geese' sydd mor adnabyddus – er fod hwnnw, hefyd, yn cael ei gynnwys.

GAN DYNNU O FFYNONELLAU cyn hyned â’r bymthegfed ganrif Llyfr Alban Sant, mae Colin See-Paynton wedi ymchwilio i darddiad yr enwau, ac mae’n rhoi sylw manwl i’r rhywogaethau y mae’n ei drafod.

MEWN RHAGARWEINIAD CYNHWYSFAWR, mae’n ail-ymweld â’i fagwraeth yng ngefn gwlad swydd Bedford, pan oedd yn blentyn yn ymhyfrydu mewn llunio rhestrau o enwau lluosog a glywai’n feunyddiol. Nawr, rhyw hanner canrif yn ddiweddarach, mae’r rhestr honno wedi’i ehangu ac wedi cael ei darlunio fel ei bod bellach yn cynrychioli magnum opus Gwasg Gregynog yn 2008.

Dangos mwy o wybodaeth a detholiad o ddelweddau o'r llyfr